Støtteordning til næringslivet i Seljord kommune   

Seljord kommune har sett av 2,5 mill. kroner til å kompensere verksemder som har /får svekka resultat grunna dei høge energikostandar i 2022. Støtte kan gjevast for å kompensere høge prisar på straum, drivstoff eller indirekte knytt til auka energiprisar.  

Kven kan søkje:  

 - Verksemdene må ha organisasjonsnummer og har hovudkontor i Seljord og er registrert som AS, ENK, DA eller SA.   

 - Verksemdene må ha minimum ha 1 tilsett som har hovudinntekt i verksemda.  

 - Verksemd som driver med utleige og ikkje har tilsette, men som leiger ut til verksemder med meir enn 5 tilsette.  

Kven er utelate av ordninga:   

 - Verksemder under konkursbehandling eller avvikling,   

 - Verksemder i offentleg sektor som heilt eller delvis er finansiert av det offentlege.  

Andre element:  

 - Verksemder som får støtte, vil ikkje kunne ta ut utbytte for 2022.  

 - Verksemder som har fått støtte gjennom den statlege straumstøtteordninga eller andre ordningar vil kunne få avkorting.  

 - Verksemder som viser til god økonomi, vil ikkje bli prioritert.   

 - Verksemder som blir vurdert til å ikkje vera økonomisk berekraftige, uavhengig av høge energikostnader, vil ikkje bli prioritert.   

Om søknaden:  

Verksemder kan søke støtte på grunnlag av auka energikostnader eller tapte inntekt som følgje av generelt høge energiprisar.   

Dømer;   

 - Næringar kan få støtte med bakgrunn i auka kostnadar knytt til straum.   

 - Næring som er avhengig av drivstoff (Taxi, transport, brøyting etc.) kan søkje på grunnlag av auka drivstoffutgifter.   

 - Andre næringar som ikkje har særlege kostnader knytt til straum kan søke som følgje av generelt høge energiprisar, drivstoff eller annan energi, men med indirekte årsak i dette fått svekka resultat, kan søkje med bakgrunn i omsetningstapet.   

Maks støtte per bedrift knytt til auka kostnader blir sett til kr 150.000,-. 

Maks støtte per bedrift knytt til indirekte svekka resultat blir sett til kr 50.000,-.  

Søknaden må leverast på eige digitalt skjema innan 1.04.2023. Søknadene vil bli individuelt handsamma, fortløpande.   

Spørsmål kan rettast til næringssjef Asbjørn Storrusten, 

E-post: as@seljord.kommune.no   

Tlf: 917 96?785.

Kva må vera med i søknaden: 

Søknaden skal innehalde ei skildring av grunnlaget for kvifor verksemda søkjer støtte, samt kva for konsekvensar dette har medført verksemder og drifta deira.  Dersom verksemda søkjer med bakgrunn i auka  energiprisar (straum eller drivstoff), må den auka kostnaden spesifiserast i forhold til eit normalår. Dersom verksemda har hatt faste kontraktar der auka energikostnad har medført tap må dette beskrivast og så godt som mogleg dokumenterast. Dersom verksemda søkjer med bakgrunn i tapt omsetning med indirekte årsak av høge energikostnader må dette beskrivast og sannsynleggjerast. Merk at omsetningstal og må kunne  dokumenterast i vedlegg.  

Kva må vera med av dokumentasjon:  

Dei auka energikostnadene, eventuelt omsetningstapet indirekte knytt til auka energiprisar, skal dokumenterast og sannsynleggjerast. Vedlagt i søknaden skal følgjande dokumentasjon inngå avhengig av kva som er bakgrunn for søknaden:  

 - Dokumentasjon på forbruk (kWt eller liter) og utgifter (kr) knytt til straum eller drivstoff for 2022. Som referanse skal dokumentasjon på forbruk og utgifter knytt til straum eller drivstoff for 2021 (eller anna år om dette  ikkje er representativt). 

- Ved omsetningstap må det leggjast ved dokumentasjon som understrekar dette. Eksempelvis resultatrekneskap/omsetningsoppgåve for heile eller delar av 2022, eller tidlegare år.   

Uavhengig årsak på søknaden skal det leggjast resultatrekneskap med balanse/omsetningsoppgåve for 2022. 

Seljord kommune kan etterspørja meir dokumentasjon i dei tilfella dette er naudsynt for vurderinga.